शासकीय औद्योगिक प्रशिक्षण संस्था मानवत येथे प्रवेश प्रक्रिया सुरू – पालकांचा उत्तम प्रतिसाद
मानवत/ मुस्तखीम बेलदार
महाराष्ट्र शासनाच्या कौशल्य, रोजगार, उद्योजकता व नविनत्मता विभागांतर्गत येणाऱ्या शासकीय औद्योगिक प्रशिक्षण संस्था मानवत येथे सन २०२५-२६ करिता एक वर्ष व दोन वर्ष कालावधीच्या विविध व्यवसायांमध्ये प्रवेश प्रक्रिया सुरू झाली आहे.
या संस्थेमध्ये विजतंत्री इलेक्ट्रिशियन , वायरमन, , फिटर, जोडारी, यंत्रकारागीर, आरेखक स्थापत्य, यात्रिक कृषित्र , वेल्डर यांसारख्या व्यवसायांमध्ये प्रशिक्षण दिले जाते. एकूण १८४ जागांसाठी प्रवेश प्रक्रिया सुरू असून इच्छुक विद्यार्थ्यांनी लवकरात लवकर अर्ज सादर करावेत, असे आवाहन संस्थेच्या वतीने करण्यात आले आहे.
या प्रवेश प्रक्रियेबाबत संस्थेचे निर्देशक शकिर हाशमी हे स्वयं उपस्थित राहून येणाऱ्या पालक व विद्यार्थ्यांना प्रशिक्षणक्रमांची सविस्तर माहिती देत आहेत. त्यांच्या मार्गदर्शनामुळे पालक आणि विद्यार्थी संस्थेतील प्रवेश प्रक्रियेबाबत अधिक सजग होत असून संस्थेबाबत समाधान व्यक्त करत आहेत.
शासनमान्य अभ्यासक्रम, सुसज्ज प्रयोगशाळा, अनुभवी प्रशिक्षक आणि व्यावसायिक कौशल्य विकसित करणारे अभ्यासक्रम यामुळे ही संस्था ग्रामीण भागातील विद्यार्थ्यांसाठी एक उत्कृष्ट संधी ठरत आहे.
