आंबेडकर नगर पश्चिम भागातील जागा मोजणीला अखेर सुरुवात [] डॉ. अंकुश लाड यांच्या पाठपुराव्याला यश[]

आंबेडकर नगर पश्चिम भागातील जागा मोजणीला अखेर सुरुवात
[] डॉ. अंकुश लाड यांच्या पाठपुराव्याला यश []
मानवत / प्रतिनिधी
मानवत शहरातील आंबेडकर नगर पश्चिम भागातील गेल्या २० ते २५ वर्षांपासून रखडलेला जागा मोजणीचा प्रश्न अखेर मार्गी लागला आहे. या प्रभागातील नागरिकांकडून वारंवार युवा नेते तथा उपनगराध्यक्ष डॉ. अंकुश लाड यांच्याकडे या विषयाबाबत मागणी करण्यात येत होती. नागरिकांच्या मागणीची दखल घेत सातत्यपूर्ण पाठपुरावा केल्यानंतर आज अखेर या जागेच्या मोजणीच्या कामाला प्रत्यक्ष सुरुवात करण्यात आली.
अनेक वर्षांपासून प्रलंबित असलेल्या या महत्त्वाच्या कामाची सुरुवात डॉ. अंकुश लाड यांच्या शुभहस्ते करण्यात आली. अनेक पिढ्यांनी ज्या कामाची प्रतीक्षा केली, ते काम आता पूर्णत्वाकडे जात असल्याने परिसरात उत्साह आणि समाधानाचे वातावरण निर्माण झाले आहे.
यावेळी नगरसेवक राजू भैय्या खरात, नगरसेवक गणेश भाऊ उगले, ओमभाऊ सिद्धार्थ ढाले, समाजसेवक असद खान, नगर परिषद मानवत येथील अभियंते तसेच आंबेडकर नगर परिसरातील नागरिक मोठ्या संख्येने उपस्थित होते.