सोनुळा येथे रमजान ईद निमित्त ईद मिलन कार्यक्रम संपन्न

सोनुळा येथे रमजान ईद निमित्त ईद मिलन कार्यक्रम संपन्न

[] व्यापारी माजेद पठाण यांचा पुढाकार []

मानवत / प्रतिनिधी 

रमजान ईदच्या पवित्र निमित्ताने मानवत तालुक्यातील मौजे सोनुळा येथे दिनांक २५ मार्च रोजी भव्य ईद मिलन कार्यक्रम उत्साहपूर्ण वातावरणात पार पडला. पाळोदि येथील प्रतिष्ठीत व्यापारी माजेद पठाण यांच्या पुढाकाराने या कार्यक्रमाचे आयोजन करण्यात आले होते.

नुकत्याच मुस्लिम बांधवांचा ईद-उल-फित्र (रमजान ईद) सण मोठ्या आनंदात साजरा झाला. त्याच पार्श्वभूमीवर सामाजिक सलोखा आणि बंधुभाव वृद्धिंगत करण्याच्या उद्देशाने शेजारील सोनुळा गावात या ईद मिलन कार्यक्रमाचे आयोजन करण्यात आले. कार्यक्रमात उपस्थितांनी एकमेकांना गळाभेट देत ईदच्या शुभेच्छा दिल्या आणि आनंद व्यक्त केला.

यावेळी गावकऱ्यांसाठी विशेष गोड पदार्थांसह पारंपरिक शिरखुर्म्याची स्वादिष्ट मेजवानी ठेवण्यात आली होती. कार्यक्रमात गावातील नागरिकांनी मोठ्या संख्येने सहभाग घेतला आणि बंधुभावाचे दर्शन घडवले.

या प्रसंगी सोनुळा गावचे पोलीस पाटील बालासाहेब भोरकडे, युवानेते अमोल भोरकडे, सुदाम भोरकडे, सुभाष भोरकडे, अनंता भोरकडे, अनुरुद्ध पाष्टे, उद्धव भोरकडे, माणिक दंडे, गणेश पाष्टे यांसह अनेक ग्रामस्थ उपस्थित होते.

हा कार्यक्रम सामाजिक ऐक्य, एकोपा आणि परस्पर प्रेम वाढवणारा ठरल्याची भावना उपस्थितांनी व्यक्त केली.