साथ सोबत निवासी अस्थिव्यंग विद्यालय मानवत येथे संविधान दिन उत्साहात साजरा

साथ सोबत निवासी अस्थिव्यंग विद्यालय मानवत येथे संविधान दिन उत्साहात साजरा
मानवत – प्रतिनिधी
साथ सोबत निवासी  अस्थिव्यंग विद्यालयात मानवत येथे संविधान दिन मोठ्या उत्साहात साजरा करण्यात आला. कार्यक्रमाची सुरुवात शाळेचे मुख्याध्यापक यांच्या हस्ते संविधानाच्या प्रास्ताविकेचे वाचन करून झाली. त्यांनी विद्यार्थ्यांना व कर्मचाऱ्यांना संविधानाचे महत्त्व व त्यातील मूल्यांची सविस्तर माहिती दिली.
या निमित्त शाळेत रंगोळी स्पर्धा, चित्रकला स्पर्धा आणि वक्तृत्व स्पर्धेचे आयोजन करण्यात आले. विद्यार्थ्यांनी सर्व स्पर्धांमध्ये उत्साहाने व सक्रिय सहभाग नोंदवला.
कार्यक्रम यशस्वी करण्यासाठी सर्व शिक्षक व कर्मचाऱ्यांनी मनःपूर्वक परिश्रम घेतले. कार्यक्रमाचे प्रास्ताविक सौ. सोफिया मॅडम यांनी केले, तर आभार प्रदर्शन साजिद सर यांनी करून कार्यक्रमाची सांगता करण्यात आली.