“मी आयुक्त होणार!” प्रकल्पांतर्गत नारेगाव मनपा उर्दू शाळेचे विद्यार्थी आयुक्तांच्या घरी

"मी आयुक्त होणार!" प्रकल्पांतर्गत नारेगाव  मनपा उर्दू शाळेचे विद्यार्थी आयुक्तांच्या घरी

छत्रपती संभाजीनगर / प्रतिनिधी

मनपा उर्दू प्राथमिक व माध्यमिक शाळा, नारेगाव येथील विद्यार्थ्यांनी "मी आयुक्त होणार!" या प्रेरणादायी उपक्रमांतर्गत थेट छत्रपती संभाजीनगर महानगरपालिकेचे आयुक्त श्री. जी. श्रीकांत सर यांच्या निवासस्थानी भेट दिली.
दिनांक २१ डिसेंबर २०२५ रोजी हा उपक्रम पार पडला. विद्यार्थ्यांमध्ये आत्मविश्वास, नेतृत्वगुण व प्रशासकीय जबाबदारीची जाणीव निर्माण व्हावी, या उद्देशाने आयुक्त श्री. जी. श्रीकांत सर यांच्या संकल्पनेतून "मी आयुक्त होणार!" हा प्रकल्प सुरू करण्यात आला आहे. या प्रकल्पांतर्गत दर रविवारी एका मनपा शाळेतील विद्यार्थ्यांना आयुक्तांचे पाहुणे बनवून त्यांच्याशी संवाद साधण्याची संधी दिली जाते.
मनपा उर्दू प्राथमिक व माध्यमिक शाळा, नारेगाव येथील विद्यार्थी आदरणीय मुख्याध्यापकश्री. सय्यद अबरार अहमद सर यांच्या मार्गदर्शनाखाली आयुक्तांच्या बंगल्यावर पोहोचले. विद्यार्थ्यांनी बंगल्याच्या परिसरात विविध खेळ खेळत आनंद लुटला व उत्साही वातावरण निर्माण झाले.
यानंतर विद्यार्थ्यांनी आयुक्त सरां समोर आपल्या स्वरचित कविता व प्रेरणादायी ओळी सादर केल्या. काही विद्यार्थ्यांनी शाळेत तयार केलेले डी.आय.वाय. विज्ञान प्रयोग प्रत्यक्ष करून दाखविले. तर काहींनी शालेय स्तरावर साकारलेल्या विविध कलाकृती, हस्तकला व ऐतिहासिक वस्तूंचे हस्तलिखित अल्बम सादर केले.
विद्यार्थ्यांनी कागदापासून तयार केलेली फुले, बुके तसेच नूतन वर्षाच्या शुभेच्छा पत्रांद्वारे आयुक्तांचे अभिनंदन केले. इयत्ता सातवीतील एका विद्यार्थिनीने आपल्या चित्रकलेद्वारे तयार केलेला आयुक्त श्री. जी. श्रीकांत सर यांचा सुंदर फोटो भेट म्हणून सादर केला.
यावेळी आदरणीय श्री जय श्रीकांत सर व त्यांच्या कुटुंबीयांची विद्यार्थ्यांनी मुलाखत घेतली ,इयत्ता नववी व दहावीच्या मुलींनी तर मॅडम च्या  व त्यांच्या  मुलीच्या हातावर मेंहदी काढली. याप्रसंगी विद्यार्थिनीने सरांसमोर गीत सादर केले  आजचे विशेष प्रसंग म्हणजे इयत्ता आठवीचा एक विद्यार्थी शेख सादिक फारुख याने सरांना उर्दू कॅलिग्राफी मध्ये सरांचा नाव लिहून भेट म्हणून दिला होता सरांना तो खूप आवडला सरांनी तो नाव स्वतःच्या अक्षरात लिहून दाखवले  व स्वतःच्या नावात येणारे उर्दू अक्षरांच्या बारीकीने निरीक्षणही केले  इयत्ता सातवीच्या विद्यार्थिनींनी एक इंग्लिशची वन लेटर टू टेन लेटर निगेटिव्ह अँड पॉझिटिव्ह वर्ड्स ऍक्टिव्हिटी सादर केली.
आजच्या या उपक्रमामुळे विद्यार्थ्यांमध्ये स्वतःही एक शासकीय अधिकारी बनण्याचे स्वप्न रंगले आहे व शिक्षणाची आवड निर्माण झाली आहे व आपल्या भविष्यामध्ये उंच भरारी घेण्याची एक नव चेतना निर्माण झाली आहे .
या उपक्रमामुळे विद्यार्थ्यांमध्ये आत्मविश्वास वाढीस लागला असून, भविष्यात प्रशासकीय क्षेत्रात काम करण्याची प्रेरणा मिळाल्याची भावना विद्यार्थ्यांनी व्यक्त केली.यावेळी सांगळे सर ,मुख्याध्यापक अबरार  सर , जुबेर सर, खुरत बाजी, नाझीया बाजी , आफ्रिन बाजी उपस्थित होते.