कामगारांचे कैवारी टी. ई. कराड यांच्या कार्यामुळे कामगार समाधानी
परभणी / प्रतिनिधी
अनुभवी सरकारी कामगार अधिकारी टी. ई. कराड यांची नुकतीच परभणी जिल्ह्यातील सरकारी कामगार अधिकारी म्हणून नियुक्ती करण्यात आली आहे या निवडीबद्दल जिल्ह्यातील विविध बांधकाम कामगार संघटनांनी व कामगारांनी त्यांच्या या नियुक्तीचे स्वागत करत समाधान व्यक्त केले आहे.
टी. ई. कराड यांनी मागील अनेक वर्षांपासून कामगार हितासाठी मोठे योगदान दिले आहे. विशेषतः गेल्या ९ महिन्यांपासून त्यांनी परभणी येथे अतिरिक्त पदभार सांभाळत विविध कामगार समस्यांवर यशस्वीपणे काम केले आहे. २०१४ पासून अनेक वेळा त्यांनी अतिरिक्त पदभार सक्षमतेने पार पाडला असून, त्यांच्या कार्यपद्धतीबद्दल जिल्ह्यात समाधानाचे वातावरण आहे.
कराड यांनी इमारत व इतर बांधकाम कामगारांसाठीच्या विविध कल्याणकारी योजना प्रभावीपणे राबवत, अनेक प्रलंबित अर्ज निकाली काढले आहेत. मोठ्या प्रमाणात निरक्षर असलेल्या बांधकाम कामगारांचे प्रश्न त्यांनी सहजतेने सोडवले, त्यामुळे वंचित बांधकाम कामगारांना न्याय मिळवून देण्यात त्यांचे कार्य महत्त्वाचे ठरले आहे.
त्यांच्या कार्यशैलीमुळे कामगारांचे प्रश्न लवकर निकाली लागल्याने, बांधकाम कामगार वर्ग समाधानी आहे. कराड यांच्या नियुक्तीमुळे परभणीतील कामगार हितसंबंध अधिक मजबूत होतील, असा विश्वास विविध संघटनांनी व कामगारांनी व्यक्त केला आहे.
No comments:
Post a Comment