प्रभाग ११ दर्गा रोड परभणी येथील काँग्रेस उमेदवारांची प्रचारात आघाडी !

प्रभाग ११ दर्गा रोड परभणी येथील काँग्रेस उमेदवारांची प्रचारात आघाडी !

परभणी / प्रतिनिधी 

प्रभाग क्रमांक ११ दर्गा रोड, परभणी येथून भारतीय राष्ट्रीय काँग्रेस पक्षाचे उमेदवार शमशाद बेगम सय्यद इलाही राज, जाकिरा बेगम मोहम्मद नय्युमुद्दीन, रुखसाना बेगम सय्यद अब्दुल हमीद तसेच मुसदिख खान नुरुल्ला खान उर्फ मुश्शु खान यांनी निवडणूक प्रचारात स्पष्ट आघाडी घेतली आहे.

घराघरांत जाऊन, तसेच प्रत्यक्ष भेटीगाठी घेत उमेदवारांनी मतदारांशी संवाद साधला. परिसरातील पाणीपुरवठा, रस्त्यांची दुरुस्ती, स्वच्छता, आरोग्य व मूलभूत नागरी सुविधा या प्रश्नांवर भर देत विकासाचा अजेंडा मांडण्यात येत आहे . प्रचारादरम्यान नागरिकांकडून उत्स्फूर्त प्रतिसाद मिळत असून काँग्रेस पक्षाच्या धोरणांवर विश्वास व्यक्त केला जात आहे.

घरोघरी जाऊन मतदारापर्यंत पोहोचत विकास कार्याच्या आश्वासनावर हे उमेदवार मतदान नागरिकांना मागत आहेत यामुळे प्रभाग क्रमांक ११ मधील निवडणूक अधिक रंगतदार बनली असून काँग्रेस पक्षाच्या चारही उमेदवारांना   युवकासह सर्वसामान्यांचा पाठिंबा मोठ्या प्रमाणात मिळत असल्याचे दिसत आहे.मतदारांचा वाढता पाठिंबा आणि कार्यकर्त्यांमधील उत्साह पाहता प्रभाग क्रमांक ११ मध्ये काँग्रेस उमेदवारांची स्थिती भक्कम असल्याचे चित्र दिसून येत आहे.