विरोधकांनी सुडबुध्दीने माझ्यावर खोटा गुन्हा दाखल केला - डॉ.अंकुश लाड.
मानवत / मुस्तखीम बेलदार
दि.२६: मानवत येथील कॉंग्रेसच्या माजी जिल्हाअध्यक्षाला शिवीगाळ केल्याप्रकरणी मानवत येथिल भाजपा युवानेते डॉ.अंकुश लाड यांच्यावर मानवत पोलिस ठाण्यात दिनांक २४ एप्रिल मंगळवारी रोजी मध्यरात्री गुन्हा दाखल करण्यात आला यामुळे राजकिय वातावरण तापले असुन डॉ.अंकुश लाड यांनी आमच्या प्रतिनिधीस बोलताना म्हणाले की,हा माझ्यावर गुन्हा खोटा दाखल करण्यात आला असुन राजकिय सुडबुध्दीने हे प्रकरण दाखल करण्यात आले असुन आमच्या विकास कामानी विरोधक धास्तावले असुन त्यांचे राजकिय कारर्किर्द धोख्यात आले असल्यामुळे अशा प्रकारचे खोटे गुन्हे विरोधक दाखल करत असुन आम्ही अशा प्रकरणाला घाबरणार नसुन आ.मोहन फड यांच्या मार्गदर्शनाखाली मानवत शहराच्या विकासासाठी सतत प्रयत्न करत राहणार असे ते म्हणाले.
सविस्तर वृत्त असे की कॉंग्रेसचे माजी जिल्हाध्यक्ष बालकिशन चांडक यांना दिनांक २४ एप्रिल मंगळवारी रोजी यांच्या राहत्या घरी सायंकाळी ७ वाजण्याच्या सुमारास आपल्या कार्यालयात बसले असताना डॉ. अंकुश लाड हे मद्यधुंद अवस्थेत तेथे आले व अर्वाच्य भाषेत शिवीगाळ करित आम्ही नगर अध्यक्षाचे जातपडताळणी प्रमाणपत्र कार्यालयातुन घेऊन आलो आहोत. तुमच्याने आमचे काहीही वाकडे झालेले नाही. तुमचे बघून घेऊ. तुम्ही सतत आमच्या विरोधातील तक्रारदाराला मदत करीत होतात आता यापुढे आम्ही तुमचे व्यक्तिगत पातळीवर बघून घेऊ असे धमकी देत आसल्याची तक्रार बालकिशन चांडक यांनी मानवत पोलीस स्टेशन येथे दिली होती माञ डॉ.अंकुश लाड यांनी आपल्या वरील सर्व आरोप फेटाळुन लावले असुन चाडक यांचे राजकिय कारकिर्द संपल्यामुळे ते नैराश्येतुन असे आरोप करत असल्याचे ते यावेळी म्हणाले.
