सर्वोदय मित्र कार्यकर्ता संमेलनाचा समारोह युवानेते डॉ. अंकुश लाड यांच्या हस्ते संपन्न
मानवत / मुस्तखीम बेलदार
सर्वोदय मित्र कार्यकर्ते संमेलन दिनांक २६ नोव्हेंबर ते २७ नोव्हेंबर २०२३ रोजी मानवत येथील नेहा मंगल कार्यालय येथील स्वातंत्र्य सैनिक डॉ.गंगाप्रसाद अग्रवाल सभागृह येथे संपन्न झाले आहे.
या संमेलनाचे स्थानिक संयोजन समिती मानवत अध्यक्ष अँड सुरेश बारहाते , डॉ.श्रीराम जाधव माजी सचिव सेवाग्राम आश्रम वर्धा ,श्री. रमेश दाणे अध्यक्ष महाराष्ट्र प्रदेश सर्वोदय मंडळ मुंबई ,साहेबराव तायडे यांच्या प्रमुख मार्गदर्शना खाली दोन दिवसिय संम्मेलन संपन्न झाले या संमेलनाचा समारोह युवानेते डॉ. अंकुश लाड यांच्या हस्ते करण्यात आला.
सद्यस्थितीत देशात निर्माण झालेल्या परिस्थितीवर सर्वोदय मंडळाची भूमिका तसेच गांधी - विनोबा विचार कार्यातील व राजनीतीकडून लोकनीतीकडे विषयावर तसेच गांधीजी समज गैरसमज या विषयावर उपस्थीत विचारवंतानी दोन दिवसीय वेगवेगळ्या चर्चा सत्रात मार्गदर्शन केले .साहेबरावतायडे अकोला यांनी भारत स्मृती समता शिल्प प्रदर्शन चे देखावा सादर केला .
या संमेलनाला देशभरातून पदाधिकारी मोठ्या संख्येने उपस्थित होते या कार्यकर्ता सम्मेलनाची सागता राष्ट्रगीत गायन करुन करण्यात आली.
या कार्यक्रमाच्या यशस्वीतेसाठी विधीतज्ञ सुरेश बारहाते, डॉ. श्रीराम जाधव, प्राचार्य अशोक चिंदूरवार, ज्ञानेश्वर मुंढे, बेबी वाईकर, विजया समदानी, प्रा. भगवान टेकाळे, प्रा. सईनाथ फुलवाडकर, प्राचार्य दिनानाथ फुलवाडकर, अँड.सतीश बारहाते, डॉ. राजकुमार लड्डा, डॉ. सुशील नाकोड, प्रा. उद्धव निर्वळ, उदय वाईकर, प्राचार्य राम फुण्णे, भाऊसाहेब होगे, रेणकोजी दहे आदींनी परिश्रम घेतले.
